Өлкөнүн ооруканаларында 6500 бейтап пневмониядан, 6702 бейтап коронавирус инфекциясынан дарыланып жатат

Өлкөнүн аймактарындагы ооруканаларда 23-июлга карата 13 миң 202 бейтап жатат. Алардын ичинен 6 миң 500 бейтап пневмониядан, 6 миң 702 бейтап коронавирус инфекциясынан дарыланууда. Маалыматты Саламаттыкты сактоо министрлигинин коомдук саламаттыкты сактоо башкармалыгынын жетекчиси Айнура Акматова брифинг учурунда билдирди.

Аймактар боюнча:

- Бишкек шаары - 6 325;
- Чүй облусу - 1 706;
- Ош облусу - 1 289;
- Жалал-Абад облусу - 962;
- Ысык-Көл облусу - 945;
- Ош шаары - 657;
- Баткен облусу - 624;
- Талас облусу - 350;
- Нарын облусу - 343.