Араван аймактык ооруканасынын хирургия бөлүмүнүн башчысы коронавирустан каза болду

Араван аймактык ооруканасынын хирургия бөлүмүнүн башчысы Журавай Акимжанов коронавирустан каза болду. Бул тууралуу Саламаттыкты сактоо министрлигинин басма сөз кызматынан тастыкташты.

Маалыматка ылайык, ал 24-июлда каза болгон.

Журавай Акимжанов 1953-жылы 18-августта Ош облусуна караштуу Араван районунун Араван айылында туулган.

1976-жылы ал Бишкек шаарындагы Кыргыз мамлекеттик медицина институтунун педиатрия бөлүмүн аяктап, балдардын хирург дарыгери адистигине ээ болгон.

Ал өзүнүн эмгек жолун Бишкек шаарындагы №3 шаардык балдар ооруканасынан баштаган. Андан соӊ Ош шаарындагы борбордук ооруканада дарыгер-реаниматолог болуп иштеген.

1980-жылдын сентябрь айынан баштап, 1990-жылдын февраль айына чейин Араван райондук ооруканасында балдар хирургу болуп иштеген.

1990-1994-жылдары ооруканада бөлүм башчы болуп эмгектенген.

1995-жылы медицина кызматкерлеринин демилгеси менен Араван райондук ооруканасында башкы дарыгерлик кызматына дайындалып, ал кызматты 2000-жылдын сентябрь айына чейин аркалаган.

2000-жылдын сентябрь айынан тарта саламаттыкты сактоонун райондук башкы хирургу, хирургия бөлүмүнүн башчысы болгон.