Ошто жеке ишкердин автоунаасын тартып алып жаткан жеринен крим чөйрөнүн өкүлү кармалды

Ош шаарында жеке ишкерди коркутуп 3,5 миң доллар талап кылган крим чөйрөнүн өкүлү кармалды. Бул тууралуу ИИМдин басма сөз кызматы билдирди. Айыпталуучу 1982-жылы туулган К.Б. аттуу жаран. Мурда адам өлтүрүү кылмышы боюнча 20 жылга эркинен ажыратылган, бирок жаза мөөнөтүн 5 жыл өтөгөн соң шарттуу түрдө эркиндикке чыкканы белгилүү болду. Факты боюнча ишкер милиция кызматкерлерине арыз менен кайрылыптыр. Кылмышкер 3,5 доллардын ордуна ишкердин автоунаасын алып жаткан жеринен колго түштү. Уюшкан кылмыштуу топтун мүчөсү делген айыпталуучунун үйүн тинтүү учурунда “РГД” үлгүдөгү жардыргыч зат жана “Калашников” автоматынын октору табылды. Учурда тергөө иштери жүрүп жатат.