Орусияда коронавирус аныкталган адамдардын саны 870 миңден ашты

Орусиянын 85 аймагынан акыркы бир сутка ичинде 5 миң 267 адамдан коронавирус инфекциясы аныкталды. 116 адам каза болсо, 7 миң 331 бейтап айыгып чыкты. Бул тууралуу аталган өлкөнүн басылмалары жазышууда.

Маалыматка ылайык, сутка ичинде коронавирус инфекциясы аныкталган адамдардын ичинен:

Москва шаарында - 684 (айыккандар 1 миң 254);

Свердлов облусунда - 183 (айыккандар 95);

Ханты-Мансийск автономиялуу облусунда - 160 (айыккандар 340);

Москва облусунда - 159 (айыккандар 189) адам жана калгандары башка аймактардан.

Бул көрсөткүч менен Орусиянын 85 аймагынан жалпы 871 миң 894 адамдан коронавирус аныкталды. 14 миң 606 адам каза болсо, 676 миң 357 бейтап айыгып чыкты.