Чүйдө автоунаасы менен бирөөнү сүзүп, окуя болгон жерден качып кеткен 15 жаштагы бала кармалды

Чүйдүн Ысык-Ата районунда автоунаасы менен бирөөнү сүзүп, окуя болгон жерден качып кеткен 15 жаштагы бала кармалды. Ал автоунаасы менен жолдун жөө жүрүүчүлөр өтүүчү бөлүгүнөн 43 жаштагы А.Г. аттуу жергиликтүү жашоочуну сүзүп кеткен. Чүй ОИИББинин маалыматы боюнча, окуя 13-сентябрь күнү саат 21:00 чамасында болду. Жабырлануучу оор жаракаттар менен райондук ооруканага жеткирилди. Ал эми факт боюнча тергөө иштери жүрүп жатат.