"Барселона" футболдук клубунун башкы машыктыруучулук кызматына төрт талапкердин тизмеси аныкталды

14-августта Чемпиондор Лигасынын чейрек финалдык оюнунда Испаниянын "Барселона" клубу германиялык "Бавария" клубуна 8:2 эсебинде утулуп калган. Мындан улам "Барселона" клубунун президенти Жозеп Бартомеу башкы машыктыруучу Кике Сетьенди кызматтан алгандыгын чет элдик басылмалар жазып чыгышты.

Учурда клуб башкы машыктыруучулук кызматка төрт талапкердин тизмесин карап жатат. Алар: Маурисио Почеттино (эркин агент), Рональд Куман (Нидерланды улуттук курамасынын машыктыруучусу), Массимилиано Аллегри (эркин агент), Тьерри Анри ("Монреаль Импакт" клубунун машыктыруучусу).

Буга чейин "Барселона" клубунун коргоочусу Жерар Пике Чемпиондор Лигасындагы ири эсепте жеңилүүдөн кийин клубда түп тамыры менен алмашуу болушу керектигин айткан.