Индонезиядагы мусулмандар “Дүйнө сулуусу-2013” сынагын токтотууну талап кылышууда

Индонезияда 4-28-сентябрь күндөрү өтүүчү “Дүйнө сулуусу-2013” сынагын токтотууну талап кылышып жергиликтүү мусулмандар нааразычылык акцияларын өткөрүшүүдө. Бул тууралуу чет элдик маалымат булактары жарыялады. Алар “Дүйнө сулуусу сынагы токтотулсун!”, “Дүйнө сулуусу, тозокко кет!” деген ураандар менен топтолушууда. Алар бул сынак мусулманчылыкка туура келбей турганын айтып жатышат. Буга байланыштуу Индонезияда 18-сентябрда мусулман айымдары арасында “Дүйнө сулуусу” деген сынак башталганы турат. Сынак мусулман айымдар арасында куран окуу боюнча өтөт. Бул сынакты уюштуруучулардын бири Эка Шанти: “Бул бизден “Дүйнө сулуусу-2013” сынагына карата жооп. Муну менен биз балдарыбызга сулуу болуш үчүн жылаңачтануунун кереги жок экенин көрсөтөбүз”,- дейт Шанти. Ошондой эле “Дүйнө сулуусу-2013” сынагында “Өзбекстан сулуусу” деп катышып жаткан Рахима Ганиева эч кандай ички сынактарда жеңбегени жана Өзбекстанда сулуулар сынагы уюштурулбаганы, катышуучу жөн гана өзүн “Өзбекстан сулуусу” деп атап алганы айтылууда. Эске салсак, бул сынакта Кыргызстандан Жибек Нукеева катышууда. Сынактын жыйынтыгы 28-сентябрда чыгарылат.