Орусияда коронавирус аныкталган адамдардын саны 1 миллиондон ашты

Орусиянын 84 аймагынан акыркы бир сутка ичинде 4 миң 729 адамдан коронавирус инфекциясы аныкталды. 123 адам каза болсо, 6 миң 318 бейтап айыгып чыкты. Бул тууралуу аталган өлкөнүн басылмалары жазышууда.

Маалыматка ылайык, сутка ичинде коронавирус инфекциясы аныкталган адамдардын ичинен:

Москва шаарында - 641 (айыккандар 1262);

Санкт-Петербург шаарында - 185 (айыккандар 86);

Москва облусунда - 156 (айыккандар 209);

Ростов облусунда - 133 (айыккандар 147) адам жана калгандары башка аймактардан.

Бул көрсөткүч менен Орусиянын 85 аймагынан жалпы 1 миллион 48 адамдан коронавирус аныкталды. Анын 17 миң 299у каза болсо, 815 миң 705и айыгып чыкты.