ТЕСТ: Жагымдуу музыканы укканда уйлар эмне кылышат? Жаныбарлар тууралуу канчалык билериңизди тесттен сынап көрүңүз

Колибри - артка учууга жөндөмдүү болгон жалгыз чымчык. Ошондой эле эң кичинекей чымчык болуп саналат. Канаттарын секундасына 90 жолу каккылайт. Дүйнөдө бул чымчыктын 300дөн ашуун түрү бар.

Тыйын чычкандар унутчаак келишет. Алар кышка камдаган данын жердин астына же бак-дарактын түбүнө көмүп коюшат. Бирок аны кайсы жакка катканын унутуп калгандыктан жыл сайын жаңы бактардын өсүп чыгышына себепкер болушат.

Панда - Кытайдын негизги символдорунун бири жана Кызыл китепке кирген, өзгөчө коргоодогу жаныбар. Бул өлкөдө панданы өлтүрүүгө өлүм жазасы каралган же өмүр бою эркинен ажыратылышы мүмкүн. Башка өлкөнүн зоопарктарына панда болжол менен 1 миллион долларга ижарага гана берилет.

Жүргүзүлгөн эксперименттердин негизинде жагымдуу музыка, өзгөчө классикалык музыканы укканда уйлар көбүрөөк сүт берери аныкталган. Ошондой эле музыканын коштоосунда саалган сүт даамдуу жана коюу болгон.

Деңиз азыктарынан жасалган тамактарды жеп жатып, сиз сүйүп жеген креветкинин жүрөгү башында жайгашканын билип коюңуз. Бул деңиз жандыгынын башында бир гана жүрөгү эле эмес, заара чыгарган түтүкчөсү жана ашказаны жайгашкан.

Дүйнөдөгү эң көлөмдүү жаныбар болуп көк кит эсептелинет. Анын узундугу 33 метрге чейин жетсе, салмагы 150 тоннага жетет. Ал 40 жылдан ашуун жашайт.

Чау-Чау - бул байыркы породадагы ит. Башка иттерден айырмаланып, бул иттин тилинин түсү кара.

Сүрөттөгү мышыктын түрү француз императору Наполеон Бонапарттын атынан коюлган. Себеби бул мышыктын буттары кыска келет, Наполеон Бонапарт дагы кыска бойлуу император болгондуктан ушундай аталып калган. Эң кызыгы, Наполеон Бонапарт мышыктарды жаман көрчү.

Тоок - мындан 66 миллион жыл мурун жер бетинен жок болгон учуучу динозаврлардын эң жакын тууганы.

Арстан Африкадагы эң жалкоо жырткыч. Курсагы ток болсо аңчылыкка чыкпайт. Карды ток арстанды ордунан жылдырган эки гана учур бар: бири күндүн нуру, экинчиси кооптуу абал.

Амалкөй түлкүнүн куйругу чуркаганда тең салмактуулукту сактап, кышкысын кошумча жылуулук берет.

Крокодилдер сууга тереңирээк кирүү үчүн таш жутушат. Курсагындагы оор таш аны ылдый тартып, сууда узак убакыт болууга жардам берет. Ошондой эле тамак сиңирүүгө да жардам берет.

Дельфиндер уктап жатканда мээнин жарым шары гана эс алат, ал эми жарым шары айланага көз чаптырып, ар кандай коркунучка даяр турат.

Жүргүзүлгөн эксперименттердин натыйжасында, башка жаныбарларга караганда шимпанзе күзгүдөн өзүн тааный алган.