Эксперт: "COVID-19га каршы вакцина организмде бир жарым жылга чейин сакталат"

Коронавируска каршы вакцина алгандан кийин антителалар организмде эки жылга чейин сакталат. Бул тууралуу Орусиядагы "Улут саламаттыгы" улуттук долбоорунун президенти, медицина илимдеринин доктору Дмитрий Еделевге таянып, чет элдик басылмалар жазып чыгышты.

Адис оорунун жеңил формасы менен ооругандарда антитела 90 күн сакталат деп кошумчалады.

"Антитела эки жылга чейин сакталат (эмдөө жүргүзүлгөндөн кийин), муну теориялык жактан алганда эсептедик. Ал эми 1 жарым жыл кармалып турарын так айта алабыз. Үч айдан соң COVID-19 менен ооруган 4 адамдын үчөөнөн антитела кетет. Бул кадыресе реакция. 90 күн - антителанын циркуляция болгон мезгили. Бирок бул иммунитет туруктуу болбой калат деген түшүнүк эмес", - деп билдирген эксперт.