Бишкекте “Тил – рух казынасы” аттуу иш-чара болот

23-сентябрда Мамлекеттик тарых музейинде “Тил – рух казынасы” аттуу иш-чара болот. Бул тууралуу Маданият, маалымат жана туризм министрлигинин басма сөз кызматы билдирди. Иш-чара Мамлекеттик тил күнүнө карата өткөрүлөт. Максаты – кыргыз тилине окуучулардын, студенттердин көңүлүн буруу жана анын өнүгүүсүнө салым кошуу. Иш-чарада “Тил – рух казынасы” темасына жазылган эң мыкты эсселер, Кыргызстандын белгилүү жазуучуларынын чыгармаларынан үзүндүлөр окулат, ошондой эле ар кандай оюндар да уюштурулмакчы.