Супер-Инфо
super.kg видео
Кой-Таш окуясы боюнча бүгүнкүгө белгиленген соттук териштирүү кайрадан жылдырылды
Бишкек шаарынын Биринчи Май райондук сотунун өндүрүшүндө каралып жаткан Кой-Таш окуясы боюнча соттук отурум кайрадан жылдырылды. Бул тууралуу мекеменин маалымат кызматынан билдиришти.
Кой-Таш окуясы боюнча белгиленген процесс буга чейин 3 жолу жылдырылган.
"Бүгүнкү соттук териштирүү жактоочулар келбегендигине байланыштуу жылдырылды. Кийинки соттук отурум 25-сентябрь саат 10:00гө белгиленди", - деп айтылат маалыматта.
Башкы прокуратура Кой-Таш окуясы боюнча козголгон ишти тергеп бүтүп, Бишкектин Биринчи Май райондук сотуна өткөрүп берген.
Анда 14 адам айыпталууда. Алардын катарында мурдагы президент Алмазбек Атамбаев, Фарид Ниязов, Равшан Жээнбеков, Ирина Карамушкина, Асел Кодуранова, Кундуз Жолдубаева, Канат Сагымбаев, Мээрбек Мискенбаев, Фархат Баабиев, Канат Осмоналиев, Рыспек Карыпбек уулу, Марат Шаменов, Нооруз Капарбек уулу жана Асангелди Какебаевдер бар.
0