Кыргызстандык “Чайка” тасмасы Эл аралык “Киношок” фестивалында баш байгени утуп алды

Кыргызстандык режиссёр Елизавета Стишованын “Чайка” аттуу кыска метраждуу көркөм тасмасы Эл аралык “Киношок” фестивалында “Таң калуунун чектери” сынагында баш байгени утуп алды. Мындан сырткары калыстар тобунун “Кинодогу жарандык жана эстетикалык көз караш” боюнча белегин Темир Бирназаров алды (“Кызыгуу” аттуу толук метраждуу тасманын режиссёру). Ушундай эле белек “Ленин” аттуу тасманын продюсери Олег Выбойченкого берилди (тасманын режиссёру Марат Алыкулов).