Кыргыз депутаттарынан турган делегация Казакстан Парламент мажилисинин төрагасы Нурлан Нигматулин менен жолугушту

ЖКнын депутаты Бакыт Төрөбаев баштаган кыргыз парламентинин делегациясы 29-ноябрда Астана шаарында Казакстандын Парламент мажилисинин төрагасы Нурлан Нигматуллин менен жолугушту. Жолугушууда тараптар эки өлкө ортосундагы мамилелерди жана парламенттер аралык кызматташтыкты чыңдоо тууралуу пикир алышты. Белгилей кетсек, Астана шаарында КРнын Жогорку Кеңеши менен Казакстандын Мажилисинин ортосундагы кызматташтык боюнча Парламенттер аралык комиссиянын 3-жыйыны өтүп жатат. Бул жыйынга депутаттар Бакыт Төрөбаев, Дамира Ниязалиева, Жылдызкан Жолдошова, Данияр Тербишалиев, Абдырахман Маматалиев жана Максат Сабиров катышып жатат.