5-октябрдагы митингде абактан бошотулган Айбек Калиев жаза өтөп жаткан абакка өзү келди

5-октябрда өткөн митингде демонстранттар тарабынан абактан бошотулган "Улуттук энергетикалык холдингдин" мурдагы жетекчиси Айбек Калиев өз ыктыяры менен мөөнөтүн өтүп жаткан абакка барды. Бул тууралуу УКМКнын басма сөз кызматынан билдирди.

"Соттолуучу Айбек Калиев бүгүн, 12-октябрда ЖАМКтын жаза өтөөчү жайына өзү келди. Ал 5-октябрдан 6-октябрга карган түнү митингге чыккан адамдар тарабынан мыйзамсыз бошотулган. Айбек Калиев өзүнүн жаза мөөнөтүн өтөөнү улантат", - деп жазылат маалыматта.

"Улуттук энергетикалык холдинг" ишканасынын мурдагы башчысы Айбек Калиев Бишкек ЖЭБиндеги коррупциялык иштерди жасаганга катышкан деген айып менен күнөөлүү деп табылып, 15 жылга эркинен ажыратылган. Ал жаза мөөнөтүн Петровка айылындагы №8 түзөтүү колониясында өтүп жаткан.