Жактоочу Алмазбек Атамбаевдин камакка алынышы боюнча Аскердик прокуратурага арыз менен кайрылды

Бүгүн, 14-октябрда мурдагы президент Алмазбек Атамбаевдин камакка алынышы боюнча жактоочу Замир Жоошев Аскердик прокуратурага арыз менен кайрылды. Бул тууралуу маалыматты жактоочу өзү тастыктады.

Жактоочу тарабынан берилген арызда төмөндөгүлөр жазылган:

1. Алмазбек Атамбаевдин кармалышы жана анын УКМКнын СИЗОсунда камакка алынышынын мыйзамдуулугун текшерүү;

2. УКМКнын жетекчилерин эгер күнөөсү аныкталса, мыйзам чегинде жоопко тартуу;

3. УКМКнын СИЗОсунун жетекчилиги тарабынан Биринчи Май райондук сотунун 6-октябрдагы Алмазбек Атамбаевди үй камагына чыгаруу боюнча токтомдун аткарбагандыгы арыз берүүнүн негизи болду.

Буга чейин мурдагы өлкө башчы Алмазбек Атамбаев УКМКнын СИЗОсунан райондук соттун токтомунун негизинде чыкканын билдирген. Токтомго ылайык, Атамбаев 2020-жылдын 11-ноябрына чейин үй камагында болору айтылган.

Ал эми УКМКнын маалымат кызматы тарабынан 5-октябрдан 6-октябрга караган түнү Биринчи Май райондук сотуна карата коркутуу болгонун, аталган токтомго басым астында кол коюлганы тууралуу маалымат берилген.