Мас абалында 30 жаштагы аялды зордуктоого аракет кылганга шектүү кармалды (видео)

Бишкекте зордуктоого аракет кылган деп шектелип 18 жаштагы жаран кармалды. Бул тууралуу патрулдук милициядан билдиришти.

Маалыматка ылайык, 19-октябрь күнү болжол менен саат 04:40 чамасында Бишкек ШИИББинин 102 кызматына зордуктоого аракет жасады деген маалымат келип түшкөн. Айтылган дарекке ошол замат милициянын кайгуул кызматы барганда 1990-жылы туулган Д.М. аттуу аял арыз менен кайрылган.

Анда ошол эле күнү болжол менен саат 04:20 чамасында арыз ээсинин үйүнө белгисиз жаран мас абалында келип, зордуктоого аракет жасаганын айтып, ага карата чара көрүүнү өтүнгөн. Көрүлгөн ыкчам изилдөө иштеринин натыйжасында кылмышка шектүү катары 2002-жылы туулган А.А. аттуу жаран кармалган. Шектүү Свердлов РИИБинин тергөө кызматына жеткирилген. Аталган факты РИИБде Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.