Шоумен Актан Рыскелдиев: "Үчүнчү ирет уулдуу болгонума ыйладым, башкача сезимдер болду"

Шоумен, актёр Актан Рыскелдиевдин жубайы көз жарып, түгөйлөр үчүнчү ирет ата-эне болушту. Ымыркай бүгүн, 21-октябрда саат 09:45те борбордогу төрөтканалардын биринде төрөлдү.

"Эртең менен жубайымдын толгоосу кармап баштаганда ойгонуп кеттим. Төрөт үйүнө баргандан 1 сааттан ашык убакыттан кийин уулубуз төрөлдү. Учурда эне-баланын абалы жакшы.

Балабызга ысымды жубайым Феруза коёт, варианттары бар. Үчүнчү ирет уулдуу болгондогу сезимдер башкача болуп ыйлап алдым", - дейт ал.

Актан Рыскелдиев 2014-жылдын сентябрь айында үйлөнүп, жубайы Феруза экөө Жантай жана Анатай аттуу уулдарды тарбиялап келишет.