Ырчы Илгиз Абдалиевдин жубайы жар-жар айтып баштады. Эми ал чыгармачылыкка кадам таштайт

Ырчы Илгиз Абдалиевдин жубайы Назима тойлордо жар-жар айтып, жакшылыктарда кызмат көрсөтүп баштады. Эми ал чыгармачылыкка кадам таштап, жолдошу менен дуэт аткарып чыгат. Бул тууралуу Илгиз мырза менен байланышканыбызда белгилүү болду.

Ырчынын айтымында, жубайынын жар-жар айтып калуусуна көптөгөн суранычтар түрткү болгон.

"Суранычтар көп болуп жаткан. Мага тойго буюртма түшүп, "келинчегиңиз жар-жар айтып берсин" деп суранып туруп алышты. Макул болуп, жар-жар ырын жаздырып, даярдык көрүп тойго чыгып калдык. Биринчи жар-жар айтуудан кийин эле буюртмалар түшө баштады. Кээде жеке өзүнө кайрылышат, кээде экөөбүздү чогуу келгиле деп чакырышат. Азырынча аймактагы тойлорго барып жатат.

Буюрса, алдыга койгон пландарыбыз көп. Жакында дуэт аткарып чыгалы деп чыгарма жаздырып баштадык. Андан кийин үй-бүлөлүк клип тартуу ойлорубуз бар", - деди ырчы.

Таланттуу түгөйлөрдүн тойдогу гонорары тууралуу сураганыбызда, экөө чогуу барса 100 доллар экенин билдирди.