Менин жерим: Кыргыз Эл жазуучусу Төлөгөн Касымбековдун кичи мекени Ак-Жол айылы тууралуу баян

"Менин жерим" рубрикасынын бул жолку чыгарылышында Жалал-Абад облусуна караштуу Аксы районунун Ак-Жол айыл аймагы тууралуу сөз болот. Өзүнүн тарыхы, атактуу инсандары тууралуу SUPER.KG порталына айылдын жашоочусу Бексултан Айтикеев баяндап берди. Ал эми кээ бир малыматтар интернет булактарынан алынды.

Ак-Жол айыл аймагы 1924-жылы уюшулган, айыл аймагына 9 айыл кирет.

Алар:

Ак-Жол (борбор) - 563 кожолук; Райкомол - 344 кожолук; Тегерек - 241 кожолук; Жолборсту - 157 кожолук; Кечүү - 155 кожолук; Кызыл Бейит - 76 кожолук; Разан Сай - 57 кожолук; Кара-Тыт - 49 кожолук; Күрп-Сай - 32 кожолук;

Жалпы аянты 19 миң 400 чарчы метр, калкынын саны - 8 миңден ашат. Бишкек шаарынан алыстыгы - 530 чакырым, жакынкы аэропортко чейинки аралык - 78 чакырым. Деңиз деңгээлинен бийиктиги - 2 миң метр.

Биздин айылдан таланттуу залкар инсандар көп чыккан. Мисалы, жазуучу Төлөгөн Касымбеков, күү атасы Ныязалы Борош уулу, төкмө акын Токтосун Тыныбеков, Кыргыз эл акыны Темиркул Үмөталиев, төкмө акын Шекербек Адылов, акын Зайырбек Ажыматов.

Кен байлыктары боюнча айылдан көмүр, алтын кендери чыгат. Азыр күзүндө элдин басымдуу бөлүгү көмүрдө иштейт жана бизде айыл аймагында жаңгак көп өсөт. Айрыкча атап кеткен 9 айылдын Жолборсту, Райкомол Кечүү айылдарында көп жаңгак өсөт. Мындан сырткары кара өрүк (кайналы) өсөт. Аймакта климат дагы өзгөчө жайы салкын, кышы жылуу болот.

Коомдук ишмерлерден Кубанычбек Жумалиев Ак-Жол айылынан жана Жогорку Кеңештин депутаты Үмбеталы Кыдыралиев да биздин айылдын кулуну. Айылдын 90 пайызы таза суу менен камсыз болгон, атайын булактан суу ичишет.

Айылда технология жетиштүү, заманбап 4G интернет орнотулган.

Жалпы билим берүүчү мектептер - 8;

Жалпы окуучулардын саны - 1 миң 536;