Апрель окуясы боюнча шарттуу түрдө 22 жылга соттолгон Нурлан Темирбаев эркиндикке чыкты

Аламүдүн райондук соту 2010-жылдын 7-апрелиндеги окуя боюнча соттолгон Мамлекеттик күзөт кызматынын жетекчисинин мурдагы орун басары Нурлан Темирбаевди шарттуу түрдө бошотуу боюнча чечим чыгарды. Бул тууралуу Аламүдүн райондук сотунун басма сөз кызматынан билдиришти.

"Аламүдүн райондук сотунун 2020-жылдын 23-октябрындагы чечими менен, соттолуучу Т.Н.Т. жазасын өтөө мөөнөтүнөн мурда бошотуу боюнча чечим канааттандырылды. Т.Н.Т. 3 ай 20 күн болгон жазанын калган бөлүгүн өтөөдөн шарттуу түрдө бошотулду.

Т.Н.Т. укук коргоо органдарына жашаган жана иштеген жери өзгөргөндүгү жөнүндө кабарлоого, ошондой эле мезгил-мезгили менен жумуш убактысында укук коргоо органдарына келип турууга, ал эми зарыл болгон учурда жашаган жеринен кыска мөөнөткө чыгып кетүүгө уруксат алууга милдеттүү", - деп жазылган билдирүүдө.

Нурлан Темирбаев 2010-жылы 7-апрелде бийликке нааразы болуп чыккан элге каршы ок чыгарууга буйрук берген деп табылып, 22 жылга эркинен ажыратылган. 6 жыл УКМКнын тергөө абагында отуруп, 4 жыл мурун №27 колонияга которулган.