super.kg logo

Милициянын кайгуул кызматкерлери автоунааны уурдоого аракет кылган шектүү жаранды кармады

 

Бүгүн, 28-октябрда милициянын кайгуул кызматы Бишкек шаарында автоунааны уурдоого аракет кылганга шектүү адамды кармады. Бул тууралуу милициянын кайгуул кызматынын басма сөз кызматынан билдиришти.

"28-октябрда болжол менен саат 04:20 чамасында Бишкек ШИИББинин 102 кызматына Тыныстанов көчөсүнүн кесилишинен автоунаамды уурдаганга аракет кылып жатат деген маалымат келип түшкөн. Айтылган дарекке ошол замат Бишкек ШИИББи боюнча милициянын кайгуул кызматкерлери келип, маалыматты тактаганда ошол даректин тургуну Тойота Камри үлгүсүндөгү автоунаасын белгисиз жаран ичин ачып, автоунаасын уурдоого аракет кылган.

Чакыруу менен келген милициянын кайгуул кызматкерлери ошол замат чечим кабыл алып, ыкчам кармоо иштерин жүргүзүп, кылмыш изи сууй электе, кылмышка шектүү катары 1964-жылы туулган М.В. аттуу жаранды кармап, Биринчи Май райондук ИИБнын тергөө кызматына өткөрүп беришкен", - деп жазылган билдирүүдө.

Бул факты Кылмыштардын жана жоруктардын бирдиктүү реестрине катталып, жоруктар кодексинин 90-беренесинин (орчундуу эмес өлчөмдө уурдоо) негизинде сотко чейинки өндүрүшкө алынды.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: