Бишкекте 18 жаштагы айдоочу рулду башкара албай электр мамыны сүзүп, өзү каза болду. Дагы бир адам жабыркады (видео)

Бишкек шаарынын Свердлов районунда жол кырсыгынан бир адам каза болуп, бир адам жабыркады. Бул тууралуу ӨКМнын басма сөз кызматынан билдиришти.

Такталган маалымат боюнча Шабдан Баатыр кең көчөсүндө Мерседес-Бенц-Спринтер үлгүсүндөгү унаанын айдоочусу рулду башкара албай жолдон чыгып электр мамысын сүзгөн. Кырсыктын кесепетинен 2002-жылы туулган айдоочу каза болгон, ал эми 2001-жылы туулган бала жабыркаган.

Куткаруучулар маркумдун жансыз денесин унаадан чыгарышып, ИИМдин кызмакерлерине өткөрүп беришкен. Ал эми жабыркаган жаран "Тез жардам" кызматы аркылуу ооруканага жеткирилген. Жерине Бишкек шаардык куткаруу кызматынан 5 куткаруучу тартылган.