Депутат Жумабеков Сурабалдиеванын социалдык тармакта сурамжылоо жүргүзгөнүн сындады

Бүгүн, 5-ноябрда Жогорку Кеңештин жыйыны өтүп жатат. Жыйында өлкөдөгү эпидемиологиялык абал тууралуу маалымат угулууда.

Депутат Дастанбек Жумабеков вице-премьер-министр Эльвира Сурабалдиеваны социалдык тармактарда сурамжылоо жүргүзгөнүн сындады.

"Сиз социалдык тармактарда активдүү экениңизди билебиз. Мектептерди ачуу керек деп сурамжылоо жүргүздүңүз. Мунун максаты эмне?" - деп сурады депутат.

Сурабалдиева бул боюнча талкуу жүрүп жатканын айтты. Ал илдет катталбаган аймактарда ата-энелер мектептерди ачууну суранып жатышканын айтты.

Дастан Жумабеков жоопкерчиликти сурамжылоого катышкан адамдарга жүктөп коюуу туура эместигин эскертти.