БШК Токтайым Үмөталиеванын президенттикке талапкерлигин кабыл алган жок

БШК Токтайым Үмөталиеванын президенттикке талапкерлигин кабыл алган жок. Бул тууралуу SUPER.KG порталына саясат таануучу өзү билдирди.

Маалым болгондой, Үмөталиева арыз берүү үчүн БШКга барганда паспортун унутуп калган.

"Жанымда жалпы жарандык паспортум, айдоочулук күбөлүгүм бар болчу. Бирок, БШК id-карта болушу керек деген шылтоо менен арызымды кабыл албай койду. Мен БШКнын бул аракеттерин мага карата тоскоолдук катары баалайм. Анткени аты-жөнүмдү тастыктаган башка документтер менен арызды кабыл алууга болот. Борбордук шайлоо комиссиясындагы бир нече мыйзам бузууларды байкадым. Бул боюнча өзүнчө билдирүү жасайм. Бүгүн кечке чейин паспортумду алып барып, кайрадан арызымды тапшырам", - деди Үмөталиева.

Буга чейин Арстанбек Абдылдаев (Арстан Алай), Назарбек Нышанов, Кубан Чороев, Бектур Асанов, Адахан Мадумаров, Канат Исаев, Абдыкаар Сыдыков, Бакыт Бакетаев, Сазыкбай Турдумалиев, Нурлан Мотуев, Рашид Тагаев, Жеңишбек Байгуттиев, Клара Соорокулова, Азамат Эсенбеков, Аймен Касенов, Кубанычбек Касенов, Садык Шер-Нияз, Элеонора Турдубекова президенттикке талапкерлигин көрсөтүү жөнүндө арызын БШКга тапшырган.

Саясат талдоочу Бакыт Бакетаев президенттикке ат салышуудан баш тартканы белгилүү болду.