Өзбекстанда кыздын кыздык белгисин текшерген аялдарга карата кылмыш иши козголду

Өзбекстанда кыздын кыздык белгисин текшерген аялдарга карата кылмыш иши козголду. Бул тууралуу Өзбекстандын ички иштер башкармалыгынын берген маалыматына таянып, аталган өлкөнүн басылмалары жазып чыгышты.

Өзбекстандын Хорезм облусунда аялдар кыздын кыздык белгисин текшерип жатканынан тартып алынган видео интернет тармагына тарап, талкууга алынган.

Хорезм облустук ички иштер башкармалыгынын басма сөз кызматы окуя 7-октябрда Үргөнч шаарында болгонун маалымдаган. Видеодо аялдар кыздын кыздык белгисин өз алдынча чечинтип текшерип жаткандагы абалды видеого тартып, аны интернетке жарыялагандыгы үчүн Хорезм ОИИБи тарабынан аялдарга карата кылмыш иши козголуп, териштирүү иши башталган. Тергөө учурунда Укук коргоо органдары окуяга катышкан аялдардын аты-жөнүн такташкан. Кыздын жеке жашоосуна байланыштуу окуялар тууралуу жабырлануучунун макулдугусуз маалымат берүүгө тыюу салынары айтылды.

Өзбекстандын каада-салтына ылайык, турмушка чыккан кыздын кыздык белгисинин бар же жоктугуна маани беришет.