Темир жолдо иштеген 20 жаштагы казак музыкантынын чыгармасы "Грэмми" сыйлыгына талапкер болду. Сиз бул чыгарманы көп уккансыз, бирок ал боордош элге таандык экенин билчү белеңиз?

Музыка жаатында эң беделдүү сыйлыктардын бири болгон "Грэмми" сыйлыгына талапкерлердин тизмеси жарыяланды. Сыйлык тапшыруу аземи 31-январда өтөт.

Тизмеге көз чаптырсак, ырчы Бейонсе көптөгөн номинациялар боюнча сыйлыкка көрсөтүлгөнүн көрүүгө болот.

Ал эми эң кызыгы, Иманбек аттуу казак улутундагы музыканттын "Roses" чыгармасына жазган ремикси "Эң мыкты ремикс" номинанттарынын катарына кошулган.

Иманбек Зейкенов 2000-жылы Павлодар облусунда жарык дүйнөгө келген. Ал 17 жашында, тактап айтканда 2017-жылы "Темир жол" станциясында иштеп жаткан убагында америкалык рэп ырчысы Карлос Сен-Жондун (Saint Jhn) "Roses" чыгармасына ремикс жазган. Чыгарма жарыкка чыгар замат, бир нече европалык чарттарда алдыңкы орундарга чыккан.

Азыркы тапта Иманбек Зейкенов орусиялык "Effective Records" лейбли менен иштешет.