Өздөрүн "положенец" жана "смотрящий" деп атап алышкан. УКМКнын уюшкан кылмыштуу топтун мүчөлөрүн кармоо учурундагы видеосу

УКМК тарабынан уюшкан кылмыштуу топтун мүчөлөрү кармалды. Бул тууралуу аталган кызматтан билдиришти.

Маалыматка ылайык, алар өздөрүн "положенец" жана "смотрящий" деп атап алган 32 жаштагы Э.Т. жана Э.К. аттуу жарандар.

2020-жылдын сентябрь айында шектүүлөр жеке ишкерге физикалык күч колдонуп, коркутуп Бишкек шаарындагы соода-базар комплекстеринин биринде жайгашкан сатуу пунктун өткөрүп берүүнү талап кылышкан. Ошол эле учурда, көрсөтүлгөн кылмыштуу топтун мүчөлөрү өздөрүнүн кылмыштуу пландарын жана коркутууларын ишке ашыруу үчүн, ишкерди Бишкектин четине алып кетишкен.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Учурда шектүүлөр УКМКнын убактылуу кармоочу жайына киргизилип, бул ишке тиешеси бар башка адамдарды табуу аракеттери көрүлүп жатат.