БШК президенттикке талапкер Садыр Жапаровдун өкүлүн каттады

БШК президенттикке талапкер Садыр Жапаровдун өкүлүн каттады. Бул тууралуу аталган мекеменин басма сөз кызматынан билдиришти.

"Шайлоо жана референдум өткөрүү боюнча борбордук комиссиясы 21-декабрдагы жыйында президенттик кызматка талапкер Садыр Жапаровдун Борбордук шайлоо комиссиясындагы өкүлү кылып Жаркын Бапанованы каттап, ага тиешелүү күбөлүк берүү чечимин кабыл алды.

Бул чечим Садыр Жапаровдун 16-декабрда жазган өз өкүлүн каттоо жөнүндө арызынын негизинде "Кыргыз Республикасынын президентин жана Жогорку Кеңештин депутаттарын шайлоо жөнүндө" өлкөнүн конституциялык мыйзамынын 17-беренесине, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" мыйзамынын 7-18-беренелерине ылайык кабыл алынды", - деп айтылат маалыматта.