БШК 6 миллион сомдон ашык каражатка көчмө урналарды сатып алат

БШК мөөнөтүнөн мурда президенттик шайлоого жана башкаруу формасын аныктоо боюнча референдумга карата 6 миллион сомдон ашык каражатка көчмө урналарды сатып алат. Мындай маалымат мамлекеттик сатып алуулар порталында жарыяланган.

Андагы маалыматка ылайык, 6 миллион 347 миң 250 сомго 2015 даана көчмө урна сатып алуу пландалууда. Сынактык арыздарды кабыл алуу мөөнөтү 25-декабрга чейин белгиленип, урналарды келишим түзүлгөн күндөн тартып 7 календарлык күндүн ичинде алып келип берүү талабы коюлган.

Мөөнөтүнөн мурда президенттик шайлоого жана башкаруу формасын аныктоо боюнча референдум 2021-жылдын 10-январына белгиленген. Учурда президенттик тактыга 18 талапкер ат салышууда. Ал эми референдумда президенттик же парламенттик башкаруу формасын тандоо же баарына каршы добуш берүү сунушталат.