Бишкекте мөөнөтү өтүп кеткен таттууларды сактап жүргөн кампа табылды

Азык-түлүк коопсуздугун жана тамактанууну камсыз кылуу программасынын алкагында, сапатсыз жана мөөнөтү өтүп кеткен продукцияны сатып алуунун курмандыгы болгон жарандардын кайрылуусу боюнча Бишкек шаарында Финансы полициясы жалпыга маалымдоо каражаттарынын өкүлдөрү менен биргеликте иш-чараларды өткөрдү.

Анын жүрүшүндө Садыгалиев көчөсүндөгү кампа текшерүүгө алынып, анда мөөнөтү өтүп кеткен кондитердик таттуулар ири көлөмдө сакталганы аныкталган. Ошол эле кампада аталган "ЖЧКнын" кызматкерлери таттуулардын жарактуулук мөөнөтүн жана чыгарылган күнүн өзгөртүп турушкан. Далил катары ар кандай шаймандар табылган.

Учурда бул факты боюнча тергөө иштери жүрүп, аны Экономикалык кылмыштарга каршы күрөшүү мамлекеттик кызматынын төрагасы Сыймык Жапыкеев жеке көзөмөлүнө алганы жазылат маалыматта.