Жаңы Конституциянын долбоору Жогорку Кеңештин кароосуна качан жөнөтүлөрү белгисиз

Жаңы Конституциянын долбоору Жогорку Кеңештин кароосуна качан жөнөтүлөрү белгисиз. Бул тууралуу SUPER.KG порталына Конституциялык кеңешменин төрагасы Бекбосун Бөрүбашев билдирди.

"Жаңы Конституциянын долбоору Жогорку Кеңештин кароосуна качан жөнөтүлөрүн өзүбүз да билбейбиз. Бүтө албай жатабыз. Жумуш көп болуп жатат. Менин сунушумду киргиз дегендер толтура", - дейт ал.

Президенттин милдетин аткаруучу, Жогорку Кеңештин төрагасы Талант Мамытов 20-ноябрда Конституциялык кеңешме түзүү боюнча жарлыкка кол койгон. Кеңешменин курамына илимий чөйрөнүн, жарандык коомдун, өкмөттүк эмес уюмдардын өкүлдөрү, укук таануучулар, депутаттар, эксперттер жана башкалар киргени президенттик аппараттын маалымат кызматынан кабарлашкан.