Ырчы Курал Чокоев чуу жараткан долбоорун тартууну токтоторун айтып, тарыхый күндү негатив менен баштабоого чакырды

Ырчы Курал Чокоев чет элдик долбоорду кайталайм деп коомдун сынына кабылды. Көпчүлүгү ырчынын долбоору улантылбашы керек деген пикирлерин айтып чыгышты.

Бүгүн, 10-январда Курал Чокоев долбоорду тартууну токтоторун айтып, буга чейин интернет желесине жарыяланган видеолор өчүрүлөрүн билдирди.

Артисттин бул долбоорунун айрым үзүндүлөрүн маданият, маалымат жана туризм министри Нуржигит Кадырбеков аргасыздан көргөнүн, ырчы эмнеге мындайга барганын түшүнө албай жатканын айтып, элден кечирим сурады.

Ырчы айтылып жаткан сындардын баарын кабыл аларын, кетирген каталарынын үстүнөн иштей турганын айтып, долбоорду тартууну улантарын билдирди.

Ал эми "Марал" радиосу Курал Чокоев, "Кыргыз" радиосу Курал мырза жана Кайрат Примбердиев менен иштешүүнү токтотуп, ырларын уктурбай турганын жарыялашты.