Садыр Жапаров башка талапкерлердин тарапташтары чогулуп жатат деген маалымат боюнча: "Азчылык көпчүлүккө баш ийиш керек"

Садыр Жапаров шайлоонун жыйынтыгы боюнча маалымат жыйын берүүдө.

Ал "бир катар талапкерлер өзүнүн тарапташтарын чогултуп жатышыптыр. Сиздин тарапташтарыңыз менен кагылышуу болуп кетет деп коркпойсузбу?" деген суроого төмөндөгүчө жооп берди.

"Ар кимдин өзүнүн ою бар да. Пикири бар. Бирок сөз айтарда Кудайга да караш керек да. Мурдагыдай мугалимдерди 5-10 добуш алып бересиң деген кыйноо болгон жок. Чогулуштарга бийликтин талапкери барганда кыйнап алып келген жокпуз. Мурдагыга караганда 99 пайыз таза өттү да. Силерди ынандырып айта алабыз, кийинки шайлоолор толук, таза өтөт. Мурда мен дагы бийлик шайлоону жасап коёт деп ойлочумун. Бирок добуш берүү системасын көрүп чыккандан кийин андай эмес экенин көрдүм.

Кимдин тарапташтары чыгып жатканы боюнча маалыматым жок. Көпчүлүк элдин тандоосун сыйлаш керек. Көпчүлүк азчылыкка баш ийиш керек", - деди Жапаров.