Ош музыкалык окуу жайынын эмгек жамааты Самара Каримованын директор болушуна каршылыгын билдирип чыгышты

Кыргыз Республикасынын Эмгек сиңирген артисти Самара Каримова мамлекеттик жетекчилик кызматка барары маалымдалган. Бүгүн, 14-январда Ош мамлекеттик музыкалык окуу жайынын эмгек жамааты Самара Каримованын жетекчи болушуна каршылыгын билдирип чыгышты.

"2018-жылы Самара Каримованы окуу жайдын директорлук кызматына кандай критерийдин негизинде дайындаганын билбейбиз, эмнеге таянган? Ошол кездеги министр Азамат Жаманкулов иштен кеткенге чейин эч нерсе дебей, ал кетери менен сотко кайрылып жатат.

Биз жетекчилик алмашат дегенин угуп нес абалда болдук. Эмгек жамаат эмнеге каршыбыз? Биздин структураны түшүнбөгөн ырчыны алып келип, тажрыйбалуу адамды кетиргенине", - дешти алар.

Ал эми окуу жайдын учурдагы директору мыйзамга баш ийерин, кызматка жармашпай турганын айтты.