Супер-Инфо
super.kg видео
Самара Каримованын арызын канааттандырган соттун чечими мыйзамдуу күчүнө кире элек
Кыргыз Республикасынын Эмгек сиңирген артисти Самара Каримова өткөн аптада Ош мамлекеттик музыкалык окуу жайына директор болуп дайындалганы кабарланган.
Самара Каримова 2018-жылы Ош шаарындагы Ниязалы Борошев атындагы Ош мамлекеттик музыкалык окуу жайына жетекчи болуп дайындалып, 1 күндөн кийин кызматтан алынган. Аны кызматка дайындоо боюнча буйрук жокко чыгарылганын ошол кездеги маданият, маалымат жана туризм министри Азамат Жамангулов айткан. Мындан улам ырчы аброюмду, адамдык укугумду тебелеп жумуштан алган деп, Биринчи Май райондук сотуна кайрылып, утуп алганы маалым болгон.
Кийинчерээк, Маданият, маалымат жана туризм министрлиги Биринчи Май райондук сотунун чечимине карата апелляциялык арыз менен Бишкек шаардык сотуна кайрылды. Апелляциялык даттануу түшкөндүгүнө байланыштуу, Биринчи Май райондук сотунун чечими мыйзамдуу күчүнө кире элек. Бул тууралуу Биринчи Май райондук сотунун маалымат кызматы тарабынан белгилүү болду.
Маалым болгондой, райондук соттун чечими чыккан күндөн тартып 30 күндүн ичинде даттанууга тараптардын укугу бар болчу.
6
Самаранын ишине ийгилик каалайм, бирок сага эмес. Коментарий жазгандар булар Самаранын билими менен иши деле жок, болгону кыргыздын коро албастык менталитети иштеп жатат. Болбосо депутаттар деле олтурушпайбы, креслодо пустой мээси менен. Ага эч ким суйлой алышпайт. Мумкун Самара кыз болгон учун басынтып жатышабы, исламчыл-молдолордун менталитетине салып..