Каракол шаарындагы митингчилердин алдына облус башчы Эмил Каптагаев чыкты

Ысык-Көлдүн Каракол шаарында митинг уланууда. "Кумтөр" маселесин айтып Саруу айылында топтолгондор менен Ак-Суу районунан облус борборуна келишип, микрокредиттик уюмдарга нааразы болгон топ биригип кетти. Алардын алдына облус башчы Эмил Каптагаев чыгып суроо-талаптарын угууда. Азырынча "Кумтөр" боюнча сөз боло элек. Чогулгандар Каптагаевге микрокредиттик уюмдарды жабуу, алардын жетекчилери менен сүйлөштүрүү талаптарын коюшууда. Митингчилердин саны 200дөй.