Украинада "кнопка баскыч" депутаттар жазаланат

Украинанын депутаттары өздөрү үчүн гана кнопка басып добуш бере алгыдай систем Жогорку Радада орнотулду. Бул тууралуу аталган өлкөнүн басылмалары жазып чыгышты.

Маалыматта Раданын депутаттары буга чейин жыйынга келбеген кесиптештери үчүн да добуш берип келишкени айтылат.

"Мындай жаңычылдык Рададагы "кнопка басуучулукту" токтотуу үчүн киргизилди. Мындан тышкары жыйындар өтүүчү залда кошумча видео камералар орнотулат. Депутаттар добуш берүүнүн процедурасы бузулуп жатканын жалпыга маалымдоо каражаттарынын өкүлдөрү байкап калбаш үчүн, келбей калган кесиптешинин добуш берүүчү пультунун жанына китептерди коюп же пульттун үстүн кагаз менен жаап койгондогу видеолор тараган", - деп жазылат маалыматта.

Маалым болгондой, 13-январда Украинанын президенти Володимир Зеленский башкалар үчүн "кнопка баскандарды" кылмыш жоопкерчилигине тартуу жөнүндө мыйзам долбооруна кол койгон.