Нарында коомдук-саясий абал туруктуу

Нарын облусунда учурда коомдук-саясий абал туруктуу. Муну өкмөттүн облустагы өкүлчүлүгүнөн кабарлашты. Бүгүн, 7-октябрдагы Ысык-Көлдүн Каракол шаарында өткөн митингге байланыштуу колдоо же каршылык билдирүү максатында облус аймагында эч кандай иш-чара болгон жок. Аймактык кабарчыбыз Гүлжан Асанкожоева өкүлчүлүккө шилтеме берип билдиргендей, облуста жакын арада кандайдыр бир саясий акциялардын болушу тууралуу маалымат жок.