Аял экен деп ойлошкон. АКШда дарыгерлер эркек кишиге кесарево операциясын жасап алышкан

АКШда 34 жаштагы жаранга ооруканада дарыгерлер адашып кесарево жасап салышты. Бул тууралуу чет элдик маалымат каражаттары жазып чыгышты.

Маалыматка ылайык, Лесли Морган Уайт аттуу жарандын салмагы 200 килограммдан ашык. Ал өзүн жаман сезип "Тез жардам" кызматын чакырган. Ооруканага келген соң ал дагы деле өзүн жаман сезип жатканын дарыгерлерге айтып, ага анестезия жасашкан.

Андан соң дарыгерлер жаңылып кардиология бөлүмүнө эмес, аны төрөт бөлүмүнө которуп кесарево жасашкан.

"Операцияга даярдоо учурунда дарыгерлер кантип менин жыныстык мүчөмдү байкашкан жок", - деп нааразы болгон Лесли.

Дарыгерлердин шалаакылыгы үчүн жаран 1 миллион 200 доллар компенсация талап кылууда.