Чубак Жалиловдун шакирти: "Устаз элге кызмат кылып калайын деп шашып жашачу"

Орто Азияга белгилүү дин аалымы Чубак Жалиловдун шакирти, жардамчысы Улан Давлеткулов SUPER.KG порталына аалым тууралуу маек берип жатып, китеп жазууну пландап жатканын, ошондой эле устаздын шашып жашагандыгын билдирди.

"Устаз мемуар жазганга кызыгып, кийин жазам го дечү. Мага ой келип жатат, устаз менен болгон окуялардын баарын тескеп туруп бир китепке түшүрөйүн деп жатам. Анткени устаз менен болгон эл билбеген, кызыктуу көп окуялар бар. Устаз элге кызмат кылып калайын деп шашып жашачу. Анан мен бир нерсеге таң калчумун, такыр чарчачу эмес. Канча сапарлар болот, бирок эч убакта чарчаганын айтчу эмес. Эң негизгиси элди руханий багытында аракетимди кылып калайын деп көп аракет кылчу. Өмүрүнүн акырында адамдар алган илимине амал кылса болот эле деп айтып калды", - дейт Давлеткулов.