Чубак Жалиловдун шакирти: "Умрага барганда акча үнөмдөп кукси ичип, 120 киллограмм китеп алып келгенбиз"

Орто Азияга белгилүү дин аалымы Чубак Жалиловдун шакирти, жардамчысы Улан Давлеткулов SUPER.KG порталына аалым тууралуу эскерип, маек куруп берди. Ал аалымдын китепке өзгөчө мамиле кылганын баса белгилейт.

"Устаз негизи айтпа деген, бирок бул да болсо устаздын жакшы жери да. Биз умрада жүргөндө башкалар ресторан, кафелерден тамактанып жүрсө, биз кукси жеп жаттык. Себеби устаз акчаны үнөмдөп, элге пайдалуу китеп алып келүүнү максат кылып жаткан. Ошентип жатып биз өлкөбүзгө 120 килограмм китеп алып келдик. Мен ошондо ушунчалык таң калгам. Устаз көп айтчу китептер менин байлыгым деп. Анан өзүнүн 3 бөлмөлүү китепканасында кайталанбаган китептер бар. Аны чогултууга бүтүндөй өмүрү кеткен",- дейт Давлеткулов.

Эске салсак, дин аалымы Чубак Жалилов өткөн жылы 45 жаш курагында мезгилсиз дүйнө салган.