Супер-Инфо
super.kg видео
"Сыйлыкты Кыргыз өлкөсү гүлдөп кетсе албайлыбы?". Интернет колдонуучусу Садыр Жапаровду "Нобель" сыйлыгына сунуштайлы дейт
Президент Садыр Жапаровду "Нобель" сыйлыгына көрсөтүү сунушун социалдык тармактын Номанжан Аркабаев аттуу колдонуучусу жазып чыкты. Ал өзүнүн Фейсбуктагы баракчасына кайрылуу жасап, бул идеяны ишке ашырууга көмөк көрсөтүү өтүнүчүн калтырган.
"Кыргыз коомчулугундагы кээ бир көйгөйлөргө карабастан, өлкөбүз акырындык менен болсо да оңолууга багыт алгандыгы, бизге карата башка мамлекеттердин позитивдүү мамилесинин күчөп баратканы чындык. Буга коррупцияга каршы күрөштүн күчөшү, саясий куугунтуктун токтотулушу жана башка көрүнүштөр далил боло алат. Мына ушул нерселердин демилгечиси президентибиз Садыр Жапаров экендиги талашсыз. Ал мамлекетибизде мыйзамдуулукту орнотуу, адам укугун коргоону күчөтүү багытында соңку 15 жылдай мезгилде башына түшкөн тозоктун оор, тирүү жан чыдагыс сыноолоруна карабастан, бул багыттагы күрөштүн башында туруп келди. Бир кезде адам укугун коргоого өз өмүрүн арнаган, кийинчерээк Түштүк Африка Республикасынын президенти болуп шайланган Нельсон Манделага адам укугун коргоодогу кошкон салымы үчүн "Нобель" сыйлыгы ыйгарылган. Биз дагы кыргыз коомчулугундагы прогрессивдүү күчтөр Садыр Нургожоевичтин талапкерлигин "Нобель" сыйлыгына көрсөтүүгө неге болбосун? Ал Кыргыз өлкөсүндөгү өзүнүн адам укугун коргоо, мыйзамдуулукту камсыз кылуу багытындагы талбаган аракеттери үчүн Нобель сыйлыгына татыктуу экендиги талашсыз. Урматтуу мекенчилдер, келгиле ушул идеяны ар тараптан колдоп чыгалы жана иш жүзүнө ашыралы", - деп жазылат кайрылууда.
Бул билдирүүдөн кийин интернет колдонуучулар эки жээкке бөлүнүп, айрымдары колдосо, айрымдары "Булар иштейби же сыйлык алып эле отурабы?", "Сыйлык деп айтканың жакшы го. Азырынча эрте, жакшы иштеп жатат, аны көрүп, билип турабыз. Бирок дагы иштесин, негизи татыктуу эле, жок дегенде бир-эки жылда деле берсе кеч болбостур", "Мөөнөтү бүткөндө, Кыргыз өлкөсү гүл болуп кетсе ошондо "Нобель" сыйлыгын албайлыбы?", "Азыр эрте. Элдин кыжырына тийип алабыз. Жакшылап ойлонуп көргүлө. Эмгеги сиңген болсо, албетте, кош колдоп колдоп берем", - дешкен.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
-2
-2
Ишенбениз мындайларга урматтуу Президент. Булар алдамчылар бут эле.
Эртен суу куюп кетет