Бишкектин Свердлов районунда эки ай ичинде кароосуз калган 22 бала катталды

Бишкектин Свердлов районунда эки ай ичинде кароосуз калган 22 бала катталды. Бул тууралуу шаардык муниципалитеттен билдиришти.

Билдирүүгө ылайык, Свердлов районунда эки ай ичинде өткөрүлгөн рейддердин жыйынтыгында, 22 кароосуз калган балдар катталды. Балдар менен тийиштүү иш-чаралар өткөрүлдү.

"Свердлов райондук акимчилигинде жашы жете электер арасындагы укук бузуулардын алдын алуу боюнча координациялык кеңешме болуп өттү. Ага Свердлов РИИБинин өспүрүмдөр менен иштөө инспекциясы, социалдык өнүгүү башкармалыгынын жана билим берүү борборунун кызматкерлери катышты.

Өспүрүмдөрдүн иштери боюнча өткөрүлгөн алты жыйындын жыйынтыгында 76 токтом кабыл алынды.

Өспүрүмдөрдүн арасындагы кылмыштуулуктун алдын алуу максатында "тобокелдик тобундагы" иш жүргүзүлүп жатат. Свердлов РИИБинин каттоосунда 379 өспүрүм бар. Алардын арасында 67си жашы жете элек балдар болсо, 56сы мектеп ичинде каттоодо турат", - деп жазылат маалыматта.