Жогорку Сот: "Тартип комиссиясынын жыйыны Калиеванын ооруп калгандыгына байланыштуу кийинкиге калтырылды"

Жогорку Соттун төрайымы Гүлбара Калиева ар кандай шылтоолор менен тартип комиссиясы тарабынан маселени кароону кечеңдетип жатат деген маалымат чындыкка дал келбейт. Бул тууралуу Жогорку Соттун басма сөз кызматынан билдиришти.

"Ооба, чындыгында тартип комиссиясынын жыйыны Калиеванын ооруп калгандыгына байланыштуу кийинкиге калтырылды. Бул медициналык мекеме тарабынан берилген эмгекке жарамсыздык баракчасы менен тастыкталган.

Ооруп калгандыгына байланыштуу маселени кароону кийинкиге калтырууга мыйзам тарабынан жол берилет жана тартип комиссиясынын ишине тоскоолдук катары каралышы мүмкүн эмес", - деп жазылат маалыматта.