Ак калпак күнү: Аянтта тайган ээрчитип, бүркүт көтөргөндөр коштогон маданий иш-чарадан сүрөттөр

Бүгүн, 4-мартта "Ала-Тоо" аянтында 5-март Ак калпак күнүнө карата майрамдык иш-чара болуп өттү. Анда ак калпак кийген аталар, элечекчен апалар, байыркы кыргыз жоокерлеринин аскердик кийимдерин кийген жигиттер, үкү топу кийген кыздар, тайган ээрчитип, бүркүт көтөргөндөр майрамдык иш-чаранын көркүнө көрк кошту.

Аянтка боз үйлөр тигилип, эстрада ырчылары өз өнөрлөрүн тартуулашты. Мындан тышкары иш-чарага Маданият, маалымат, спорт жана жаштар саясаты министри Кайрат Иманалиев, режиссёр Рысбек Жабиров, манасчылар Дөөлөт Сыдыков, Самат Көчөрбаев катышты.

Белгилей кетсек, быйыл Ак калпак күнүн белгилеп келе жатканыбызга 10 жыл толду.