Аксыдагы адам өмүрүн алган уулануу. Кара-Суу айыл өкмөтү 5 адам каза болгонун маалымдады

Жалал-Абад облусунун Аксы районунда уулангандар боюнча Кара-Суу айыл өкмөтү маалымат таратты.

Кара-Суу айыл өкмөтүнүн маалыматы боюнча, 2-март күнү күндүзү Кара-Жыгач айыл аймагындагы кафеде төмөндө аты аталгандар чогуу тамактанышкан. 3-март күнү ооруканага кайрылып башташкан. Учурда 5 адам каза болуп, 2 адам ооруканада.

Каза болгондор:

Кара-Суу айыл аймагынын Ийри-Булуӊ участкасынын тургундары:

62 жаштагы Ш.Т.

69 жаштагы Р. А.

Кезарт айылынын тургундары:

54 жаштагы Ч.М.

53 жаштагы Ж.К.

Чарба айылынын тургуну:

54 жаштагы Ч.О.

Жүзүм-Жан айылынын тургуну:

51 жаштагы М.Г. учурда оор абалда.

Аксы аймактык ооруканасынын жандандыруу бөлүмүндө жатат.

Ш.Б. Аксы аймактык ооруканасынын дарылоо бөлүмүндө жатат. Абалы орто.

Айыл эли 7 адам каза болгонун айтышууда. Бирок милиция 3 адам болгон десе, айыл өкмөт 5 адам деп берди. Айылдык кеңешке талапкерлигин койгон адам чай берип, тургундар ошондон ууланганын азырынча расмий тараптар тактай элек. Ошондой эле жарандар ичимдикке ууланганы боюнча дагы расмий маалыматтар жок.