БШК: "Бир дарекке 10дон ашык адамды каттоодо укук коргоо органдарына кабар берилет"

Жергиликтүү кеңештердин депутаттарын шайлоону даярдоо жана өткөрүү боюнча республикалык штабдын отуруму өттү. Бул тууралуу Борбордук шайлоо комиссиясынын басма сөз кызматынан билдиришти.

Маалыматка ылайык, аталган комиссиянын төрайымы Нуржан Шайлдабекова шайлоочулардын тизмесин түзүү менен байланышкан коррупциялык тобокелдиктердин алдын алуу боюнча БШК тарабынан көрүлүп жаткан чаралар жөнүндө айтып берди.

"Жаңы эреже боюнча, эгер бир дарек менен 10дон ашык адам катталса анда Мамлекеттик каттоо кызматына, жергиликтүү өз алдынча башкаруу органдарына, укук коргоо органдарына кабар берилет. Алар бул фактыга жооп бериши керек болот. Ыкчам жооп кайтаруу боюнча координациялык топтор жеринде иштешет", - деди ал.