"Баасы 1 миллион 700 миң сомдон ашык". Баткенде контрабандалык жүк ташып бара жаткан айдоочулар кармалды

Баткенде 1 миллион 700 миң сомдук контрабандалык жүк алынды. Бул тууралуу УКМКнын Чек ара кызматынын басма сөз кызматынан билдиришти.

Маалыматка ылайык, жүк Тажикстандан алынып келе жаткан.

"Лейлек районунун Сай аймагында чек ара кызматкерлери тарабынан 31 жаштагы Кыргыз жараны башкарган Мерседес-Бенц Спринтер үлгүсүндөгү жүк ташуучу унааны токтотуп, текшерүү жүргүзгөндө 3 тонна лимон табылган. Ал эми Чок-Талаа аймагынан ушундай эле үлгүдөгү 4 жүк ташуучу унаа текшерилип, жалпы салмагы 11 тоннаны түзгөн лимон жана бадыраң табылган. Табылган товарлар Тажикстан өлкөсүнөн Кыргыз өлкөсүнө контрабандалык жол менен ташылып бара жатканы белгилүү болду. Алдын ала эсептөөлөргө ылайык, контрабандалык жүктөрдүн жалпы баасы 1 миллион 717 миң сомду түзөт", - деп айтылат маалыматта.