Ысык-Көлдө 2 оорукананын курулуш иштери башталды

Ысык-Көлдө 2 оорукананын курулуш иштери башталды. Бул тууралуу Саламаттыкты сактоо жана социалдык өнүктүрүү министрлигинин басма сөз кызматынан кабарлашты.

Маалыматка ылайык, ооруканалардын курулуш иштерине 34 миллион сом кетет жана бул сумма толугу менен "Ас-Сафа борбору" эл аралык коомдук бирикмеси тарабынан каржыланат.

"Ооруканалар Санташ жана Кутургу айылдарына курулуп, алдын ала ушул жылдын декабрь айында аякташы күтүлүүдө. Курулган объектилер "Ас-Сафа борбору" тарабынан эл аралык класстагы жабдыктар менен камсыздалат.

Ооруканалардын капсуласын салуу аземине саламаттыкты сактоо жана социалдык өнүктүрүү министри Алымкадыр Бейшеналиев, "Ас-Сафа борборунун" жетекчиси Ибрагим Мальсагов, өкмөттүн Ысык-Көл облусундагы ыйгарым укуктуу өкүлү Элчибек Жантаев жана медицина кызматкерлери, жергиликтүү тургундар катышты", - деп айтылат маалыматта.